An Machu Picchu (Pakasayod sa Espanyol: [ˈmatʃu ˈpiktʃu], Quechua: Machu Pikchu [ˈmɑtʃu ˈpixtʃu], "Lumang Alitoktok")[1] sarong antigong banwa kan mga Inca na nagdanay kan mga ika-15ng siglo,.[2][3] panahon na dai pa nakatongtong si Columbus sa Amerika. An banwang ini nalulugar sa Ronang Cusco sa Peru, partikular sa may gulod nin bukid na yaon nagtatanaw sa Wading Urubamba kan Peru asin 2,430 metro (7,970 pye) an langkaw kun ibabatay sa lebel kan dagat. An rayo kaini 80 kilometro (50 mi) norte-solnopan kan Cusco asin kun saen nadalahay an Salog Urubamba. An mga arkeologo nagtutubod na an Machu Picchu tinogdok bilang sarong longsod kan Incang emperador na si Pachacuti (1438-1472). Parati ini natotomoyan bilang "Siyudad kan mga Inca," asin iyo na gayod an simbolo kan Kinaban Inca.
Kan taon 2007, an Machu Picchu nabotohan bilang saro sa Bagong Pitong Ngangalasan nin Kinaban sa mahiwas na botohan ginibo sa paagi nin Internet.[4]
© MMXXIII Rich X Search. We shall prevail. All rights reserved. Rich X Search